LUIS IRIZAR

Sukalde-buru ospetsua dugu, “Euskal Sukaldaritza Berriaren” sortzaileetako bat; bere lankideek “Maisuen maisutzat” daukate.

Donostiako Maria Cristina hotelean hasi zen sukaldaritzan, 16 urte zituela. Bertako eta kanpoko jatetxe eta hotel askotan izan da sukalde-buru (Donostiako Azaldegi jatetxean, Parisko Royal Monceau jatetxean, Londoneko Hilton hotelean …).

Berak sortu zuen Euskal Herriko lehen sukaldari-eskola 1967an, Zarauzko Euromar hotelean.

Bertatik atera ziren gaur egun ospetsu diren goi-mailako sukaldari asko: Pedro Subijana, Karlos Argiñano, Ramón Roteta, José Ramón Elizondo eta beste asko.

Urte askotan lanean aritu ondoren, lehenengo Euskal Herrian eta gero Madrilen hamar urtez, Alcalá hoteleko zuzendari/gerente eta Irizar jatetxeko buru bezala, Donostiara itzuli zen eta 1992ko urtarrilean Luis Irizar Eskola ireki zuen.

Aipatzekoa da Luis Irizar sukaldaritzan irakasle moduan gailendu dela beti.

Hona lortutako sarietako batzuk

1980an profesional eta irakasle-lan onenak saritzeko ematen den
Gastronomi Kritikaren lehen saria jaso zuen.
Gastronomoen kofradia askotako ohorezko kide da.
Espainian “Paul Bocuse” sukaldaritza-lehiaketako epaimahaikide da.
Urtero Parisen ospatzen den “Taittinger” nazioarteko sukaldaritza-txapelketako epaimahaiko lehendakari da.
“Eurotoques” Europako sukaldari-elkarteko zuzendaritzako kide.
Donostia hiriak “Urrezko Danborra” eman zion 1992an.